North Garo Hills, Resubelpara, Daram Tekalang songoni saksa chadambe Prangkybirth M. Momin, International Grappling Wrestling Training Seminar-o bakko ra·na India team-nigita seokako man·e re·baenggipa June 13 tarikoni 17 tarikona Shimla-ona re·angnasienga.Ia International Training-ona saksa International Coach & Referee Zaharov Ilya United World Wrestling-ni saksa India-ona re·bae Coaching training-ko Shimla-o skie on·anggen.
Prangkybirth M. Momin saksa Garo Hills-oni Free Style Wrestling-o skanggipa bakko ra·chenggipa ong·a. Prangkybirth re·anggipa changoba 5 gipa Meghalaya Games Tura-o ong·anggipao Garo Hills-ni chadamberangna Garo Hills-o Free Style Wrestling training-ko on·e ua an·tangan Garo Hills-ni Free Style Wrestling Coach-ni kamko ka·e skie on·angaha.
Garo Hills-ni chadamberangna Momin skie on·ange re·anggipa Meghalaya Games-o bakko ra·ate ge 14 medal rangko man·bae Garo Hills-na mikkim rasongko ra·baaha.
