Meghalaya a∙doko Lok Sabha election o ge∙gni seat ko Congress aro VPP man∙e NDA baksa rikgipa NPP o susagiparangni sirikaniara BJP dolni miksonganirang namjani a·selsa ong·aha ine Rakkam Sangma aganangaha. Ia batanggimin bilsi 10 o sokariko name rikani palo BJP dolrang RSS, Hindutva aro toromo dingtang mancha pangchakbate a·songko re·dilbaaha ine Sangma parakangaha.
Ia chang NPP dolna pu·ongijaniara BJP ni miksonganirangni a·sel opposition dolrangna namgni ong·angskaaha ine Sangma aganangaha. Election o ong·na nangagita ong·angaha aro manderangni seokanikoba ra·chaka ine Sangma agandapangaha. BJP dolrang ia chango susajagenchimoba, a·songo gilja nokrangko nosto ka·gipani video-rang manderangona giproroani a·sel Christian rang Congress na chakaha ine ua parakangaha.
Meghalaya a∙doko Congress dolrang official office, block aro polling station rango dilgipa donggija susagenchimoba manderang dingtang MP ko nangnikeming ia chang pu∙onaha ine Rakkam janapangaha.
