Jaintia Hills Autonomous District Council (JHADC) election ko parakatani ja·mano National People’s Party (NPP) dolrang dam 13 seat rangko man·e, United Democratic Party (UDP) aro Independent (IND) candidate rangni chakpaanichi chu·gimik sak 18 MDC ona tang·doe gitalgipa Executive Committee (EC) ko rikangna tik ka·aha.
Sombar attamo adita dilgiparang baksa tom·aniko dakani ja·mano UDP ni sak 3, IND ni saksa aro Rymbai-Khliehriat ni MDC jean IND ong·e susagipa NPP dolo nape bakrimaniko on·a manchiangaha ine Deputy Chief Minister Sniawbhalang Dhar kobor ra·timgiparangna parakataha.
Ia tom·anio uamang gitcham Chief Executive Member (CEM) Thombor Shiwat ko ia gitalgipa EC ko dilnaba seokangjolaha.
