College of Community Science, CAU (Imphal), Tura, Jatiya Gourav Diwas jekon National Tribal Pride Day 2024 ineba minggipako November 15-oni 26 tarikona maniangaha. Ian tribal manderangni dingtanggipa dakarika aro uamangni songsalna on·gilanirangko mande ra·e maniani ong·a. Da·al salko maniani tribal dilgipa saksa Birsa Munda, jakgitelanina dakgrikdilgipa aro tribal manderangko chel·chekgipani atchiani salko gisik ra·aniba ong·a.
Community Science college, ia salko gisik ra·e maniani gisepo poster tariani aro poetry sesusaaniko “Empowering Tribals, Transforming India” katta bichongo pangchake ong·atangaha. Unbaksana, videography susaanikoba tribal-rangni janggi tanganiko ripingna miksonganio ong·ataha. Uamang Chunmati Primary school aro wilwilao donggipa biaprangkoba rongtal an·talaniko dakangjolaha.
Maniani bon·chotgipa salko chong·motan November 26 tariko college-ni Conference Hall-o program-ko ong·ate matchotataha. Da·al salo Northeast-o songdonggipa tribal manderangni rokomanti cha·ani ringanirangko mesokagita exhibition-koba ong·atangjolaha.
