Re·anggipa September 26 tariko, Garo Students’ Union (GSU) Eastern Zone, Williamnagar-nigita Songsak Regional Unit-na gital dilgiparangko seokna election ong·ataniko namen matchotatna man·aha.
Ia election-ko ong·atani ja·mano GSU Songsak Regional Unit-ko re·dilna Laicksen N Marak ko President aro Leonteshbirth A Sangma ko General Secretary ni kamrangna seokangaha. Indake gitalgipa dilgiparangko seokanian Union ko bilakdapatna re·mikkangani ong·an baksana jatna krimkro ong·e ku·rang on·a miksongani ong·a ine GSU Eastern Zone-ni General Secretary Alex D Shira u·iatangaha.
