SWGH a·jani Ampati Indoor Stadium-o 3 gipa Badminton Tournament 2024-ko District Badminton Association-nigita salgnina chong·motan Sukrobar saloni ong·ate mijal salni bako bon·kame kalsusaaniko dakangaha.
Ia kalsusaanio gisiko nanggipa chadamberang dingtang dingtang gadangni susaanio jekai Men’s Singles Open category-o sak 12, Men’s Doubles Open category-o dol 9 aro bilsi 19-ni ning·o ong·gipa me·a bi·sarangni bako sak 5 susagiparang bakko ra·angaha.
Indake ia bon·kamgipa kalsusaanio a·jani Deputy Superintendent of Police (HQ) Ravi K. Sangma mongsonggipa sokgipa ong·e uamangni kimkim ong·e aro gisik nang·e bakko ra·anina de·mittelangan baksa chegiparangna boksis-rangkoba suale on·angaha.
Bilsi 19-ni ning·o ong·gipa me·a bi·sarangni kalsusaanio Civilo Ch. Momin biltinggrike kalanichi Pattian Ch. Momin baksa susagrikanio chegipa ong·angaha. Apsan daken Men’s Singles open category-o Khan T. Sangma, Civilo Ch. Momin-ko amatskaaha aro bon·kame Men’s Doubles Open category-o Sengbath G. Momin aro Civilo Ch. Momin skanggipa biapko cheangskaaha.
