Ia bilsini class X-o poraienggipa chatro chatrirangni SSLC selection porikkako September 30, 2024 tariko ong·atna tik ka·anina dingtang tarikona donatskachina Garo Students’ Union (GSU) C.E.C H.Q. Tura-ni President Zikku Balgra N. Marak chatro chatrirangni palo SSLC Board-ni Secretary-na chitti see didiangaha.
Marak-ni chittio janapatanigitade, 30 September-ko batanggimin somoio A·chik manderangni janggirangko gimaataniko gisik ra·ani tarik ong·ani gimin ua salna tik ka·gimin selection porikkako dingtang tarikona donatskachina mol·molataha. Indake 30 September-ni porikkako gipin tarikona donatanichi chatro chatrirang maming neng·nikani gri sianggimin A·chikrangko gisik ra·angnagita cholko man·anggen ine GSU-ni President janapatan baksa SSLC Board-ni Secretary-ko mol·molangaha.
