Tura songjinmao ong·atenggipa 2-gipa Inter Mahari Women Football Tournament 2024-ni skanggipa semi final-ko Mangsang aro Rangsa maharini gisepo da·alo P A Sangma Sports Complex-o kal·angaha.
Skanggipa semi-final susaanio Mangsang aro Rangsa mahari biltinggrik ong·e kal·angaha. Ia susaaniko chu·gimik minute 62 kal·ataha jeon mahari dolgnini gisepo darangba goal 1-koba chipna man·jae penalty tinggrikaona sokangaha. Penalty-ko tinggrikanio Mangsang mahari goal 4-2 ko Rangsarangni kosako chipna man·e 2024 Inter Mahari Women Football Tournament-ni final-ona sokdochenggipa ong·aha.
Gnigipa semi-final ko P A. Sangma stadium-on September 11 tarikni 3 baji somoio Bolwari baksa Chambugong mahari susaangskagen. Iamang kal·anio chegipa baksa Mangsang mahari final-ko susaanggen.
