West Garo Hills-ni Jawaharlal Navodaya Vidyalaya-o 2025-2026 bilsini class VI-o gital porainagiparangna selection test-ko senagita bimungrangko segatna on∙aniko a∙jani Deputy Commissioner aro VMC Chairman Jagdish Chelani parakangaha. 2025-2026 bilsini Class VI-o napnagiparang online gita dorgasto galna man∙gen aro dorgasto galaniko bon·kame September 16, 2024 tarikona ra·chakanggen ineba u·iataha.
Dorgasto galgipa chatro chatrirang class V-ko 2024-2025 bilsini gisepo poraienggiparang ba matchotgiminrang ong∙nagita nanggen unbaksana May 1, 2013 oni July 31, 2015 bilsini gisepo atchigiparang ong·na nanggen aro a∙jao songdongkamgipa aro man·a kragipa kosan seokanggen ineba u·iatangaha.
Gisik nanggipa chatro chatrirang on·gipa website jean https://cbseitms.rcil.gov.in/nvs/ ba https://navodya.gov.in/ ona napange dorgastoko galnagita man·gen.
