Congress doloni sakgittam MLA-rang ong·kate NPP dolo bakrimani ja·mano Mylliem-ni Congress MLA Ronnie V. Lyngdoh, Leader of Opposition (LO)-ni kamko gimaataona sokaha. Assembly-o chu·gimik 60 seat-rangoni da·o Congress dolo saksa MLA-san dongaiaha.
Batanggimin somoio Congress dolo chu·gimik sak 5 MLA-rang gnang, jean Saleng Sangma-ni MP seoka man·aoni sak 4-ona tang·onaha. Da·o, Nongstoin-ni MLA Gabriel Wahlang, Mawhati-ni MLA Charles Marngar aro Umsning-ni MLA Dr. Celestine Lyngdoh, Congress doloni ong·katani ja·mano saksa kamkam MLA-san uamango dongrikaha.
Assembly-o, TMC dolrang sak 5 MLA-rang donge LO-ni kamko a·kangna krabatgipa ong·engaha. TMC dol sana LO-ni kamko on·gen aro maidakgipa gadangrangko nigrike seokgen iarangan an·chingna sing·anirang nadobaenga.
