South West Garo Hills a·jani Nokgatgre, Bagmara, Dalupara, Apalgre aro Adugre songrango network namjani gimin Garobadha Unit-ni Achik Progressive Approach (APA) dolrang Telecom Department-na chittiko sedoangaha.
Janapgimin songrango mobile network namjani a·sel songdonggipa manderang saa ding·ani somoio ba nangchongmotgipa kamrangna call ka·anio neng·nikanirangko man·enga aro NREGS ba Job card kamko ka·giparangni photo-rangko ka·e watanirango namen neng·nikarangko man·enga ine janapangaha. Unbaksana poraienggipa bi·sarang uamangni assignment-rangko ka·anio network namjani a·sel internet-rangko jakkalna man·jae namen neng·nikaniko man·enga ineba janapataha.
Ia pilak neng·nikanirangko nirokate songdongenggipa manderangni namgnina nanggipa ja·kurangko de·e ta·rake kamrangko ka·china APA dolrang Telecom department-ko mol·molangaha.
