Dalu, Barengapara-oni Choipani-ona re·gipa ramao re·rurana apchangketani a·selo poraienggipa skul bi·sarangna neng·nikaniko on·enganina Dalu Unit GSMC dol aro songdonggipa manderang bakrime jinmani palo Civil Sub Division-ni SDO-na lekka sedoataha.
Garirangko ramasamrango donani a·selo skul bi·sarangna neng·nikaniko ra·baenga aro re·ruraanio a·selrangna kenbegnigipa ong·enga. Gipin garirang ong·katna am·engon ramarang apchonani gimin apchangkete a·selrangko chagrongenga aro salantio re·a doaniko champengatenga ine uamang janapataha.
Skul bi·sarangni neng·nikanirangko olgrokatna man·agita skul ka·ani somoio chong·motan pring 7-oni 10 bajiona aro attam 2:30 oni 4:30 bajiona kingking rong·te salgipa truck garirangko donna on·jachina didiataha. Uamangni janapgimingita ia obostarangko nirokatchina aro ta·rake ja·ku de·china jinmani palo GSMC Dalu Unit SDO-ko gronge agangolpogrikangaha.
