Reservation Policy-ko nipilengon, adita dingtanganirangko dakchina 19 gipa South Shillong Advisory Committee-ni Chairman aro MLA Sanbor Shullai-chi dilenggipa expert committee-na ku·pattianiko on·angaha.
South Shillong-ni Advisory Committee, Khasi-Jaintia na 30%, Garorangna 30%, economically weaker section (EWS) rangna 27%, gipin ST/SC/OBC rangna 6% (3% ST-na aro 3% SC/OBC-na) aro 7% ko unreserved-na gital dake chamchina parakataha. EWS rangna chamatgipa 27% oniko, chu·gimik 87% oniko Khasi-Jaintia aro Garo jatrangni EWS-ni bako ga·akgiparangna tikatchina aganangaha. Gitchagipa 6% ko ST/SC/OBC rangna aro 7% ko unreserved-o chamatskana committee parakataha.
Badiaba non-tribal rangkode OBC aro SC bako napate ra·napchinaba Committee aganangaha.
