A·doko dingtang dingtang cholrangchi e-mail ba uandake gipin message-rangko wate tol·pinike cha·bokgiparangoni naljoke dongchina, Meghalaya Police dolrang mikrakataniko on·ataha. Ia e-mail ba gipin message-rangko DGP office-oni watatengagitachacha manderangko cha·boke tangkarangko ra·na jotton ka·enga ine police-rang parakataha.
Indakgipa message-rangko man·soengon, kakket ong·aniko sepangbatgipa police thana-ona ba 112 number-ona phone ka·e am·sandichina didiataha. Ia obostarangko Garo Hills-o bang·a manderang chagrongaha aro tol·pinikgiparangni akoko nape neng·nikanirangko man·angaha.
Ong·gimin obostako police department-rang social media-o u·iatengon, DGP-ni bimungko ra·e aro federal police office-ko janapate MEGPOLICE nigita watate cha·bokna jotton ka·gipako screenshot ka·e mesokataha. Ia message-ko sel·tagija jawilwatrangko nianina police dolrangni nirikkianio aro niamni a·palo ong·a ine ka·mikkenate cha·bokna miksonga gnang watataha.
Iandake dingtang dingtang cholchi cha·bokna am·enggiparangoni naljoke dongchina aro apsandakgipa message-rangko man·soode police-rangoniko dakchakaniko ra·china uamamg didiangaha.
