NDA-ni Om Birla-ko da∙al salo Lok Sabha-ni Speaker-na changsatai seoktaianiko dakangaha. Opposition dolrangni K Suresh-ni bimungko INDIA Bloc-nigita Speaker-ni gadangna minggenchimoba MP-rangni pu∙onanio Om Birla-na bang∙bate chakpaaniko man∙e ua chena man∙angjaha.
Lok Sabha-ni Speaker-ko a∙songni itihas-o changgittam mangmangsan pu∙one seokaniko dakbakuenga jean 1952, 1967 aro 1976 bilsirango ong∙a. Bang∙bata changon Speaker aro Deputy Speaker-rangko sorkariko rikenggipa dol aro opposition dolrang apsan meligrikesa songaniko dakrongbaenga.
