North Garo Hills-ni ning·o ong·gipa biaprangona gipin jatrangni maming licence donggija napdrabae niamgri bading chiwalanirangko dakenganina ACHIK dolrang GHADC-ni Taxation Superintendent-ko gronge lekka on·e nirokatchina didiangaha.
NGH-ona bading chiwalna napbagipa gipin jatrangna Trading for Non-Tribal (TNT) licence donggija bading chiwalaniko dakenganiara gipinrangni pilak niamrangko ja·rike bading chiwalgiparangna bang·a noksanrangko mikkangchi ra∙banaba gnang ine ACHIK dol aganangaha. Indake ong·engon a∙jao bading chiwalgiparangni gisepo maming neng·nikaniko ra·bajanagita nirokate champengsochina mol·molangaha.
Iani gisepon pilak niamni a·palo bading chiwalaniko dakenggiparangko am∙sandie nanggipa ja∙kurangko de·e kamrangko ka∙angchina didiangan baksana ACHIK dol apsan bakrime kamko ka∙nagitaba kang·kare kae ra∙angaha ine ACHIK Resu Mendi Regional Unit-ni General Secretary Delian Agitok parakataha.
