Chang 47 gipa Meghalaya State FIDE Rating Championship 2024-ko Asanang-ni Wangala Building-o June 12 oni 15 tarikona Meghalaya Chess Association (MCA) ni dakchakanichi Garo Hills Chess Association (GHCA) ong·atanggen.
Ia kal·anio bakko ra·na gisiko nanggiparang tangka gong 600 ko game an·tangtangni bimungrangko segatna man·gen. Bimungrangko segataniko June 9 tarikona ra·chakanggen aro kal·ani biapo tanggitik bimungrangko segataniko ra·chakjawa ine GHCA-ni General Secretary u·iatangaha.
Bimungrangko segatnagita tangkarangko Garo Hills Chess Association-ni Bank Account jean 35611198511, IFSC Code: SBIN0000198-o gamna man·gen ine u·iatjolangaha. Tangka gamgipani sakkiko mesokna screenshot ka·e kal·gipani bimung, FIDE ID, a·dokni bimung aro atchiani tarikko see GHCA-ni General Secretary Tengrang R. Sangma-ni WhatsApp number 8131851630-ona watatchinaba u·iatangaha.
