Da∙al salni bako a∙gilsak gimiko World Environment Day ko maniengon Dadenggre Melagre songo Melagre Development Society ni gita U.P. School aro Melagre ni community reserve-o bol chara rangko ge∙angan baksana adita bol chara rangko Bhajamara Higher Secondary School aro Kasimati Higher Secondary School rangna sualeba on∙angjolaha.
Ia bol chara rangko Soil and Water Conservation Department ni gita on∙atan baksan Dadenggre Range Social Forestry aro Damjonggri Range baksa bolrangko ge∙na dakchakangaha. Melagre Development Society ia Environment Day ko maniani salo dakchake on∙giparangko mitelpilskaaniko on·angaha aro songdongenggipa manderangko wilwilao donggipa buring bolgrim rangko nisiatgija name rakkie done ripingchinaba didiangaha.
