Da·al, June 5 tariko All Mrong Chra Association ni gita Tura Dalu National Highway sorok rikamo bol bi·sarangko ge·angaha. National highway-ko tarina cho·ani somoio sorok sepang jolo donggipa bolrangko den·e galani ja·mano ia rama jolgimikan porongrong ong·e namen ding·krakgipa biap ong·aha ine uamang parakataha.
Mikkangchi ia national highway sorok jolko ka·sinatpilna man·agita miksonganio ia World Environment Day-ko maniani salo Tura Chunmati-oni Darengre-ona bol chararangko ge·angaha ine All Mrong Chra Association, H.Q Tura West Garo Hills-ni General Secretary Luckingbirth Mrong Marak koborna parakataha.
