Tura Sardar Division-ni ning·o ong·gipa pilak sorkarini ning·o kam ka·enggipa manderang jemangan cholgrirangna aro neng·nikaniko man·enggiparangna NFSA (AAY aro PHH) ni namgnirangko man·pana bimung segate jakkalenggipa card-rangko Supply office-ona ra·bae donechina Tura-ni Deputy Commissioner (Supply) u·iatangaha.
Indake sorkario kam ka·enggipa manderangko NFSA (AAY aro PHH) ni card rangko on·epilchina ge·etatani miksonganiara NFSA 2013-o chamatgiminko chu·sokatna aro uamangni biapo cholgrigipa aro be·ennigita bilgrigipa manderangna chu·gimik namgniko man·atna miksonge ia ja·kuko de·angaha ine u·iatangaha.
Apsan daken pilak Fair Price Shop-ni dealer-rangko aro Vigilance Committee-rangkoba sorkario kam ka·enggipa nokdangrang jemangan NFSA ni namgniko man·engachim uamangko Supply office ona re·ange nanggipa form rango gapate on·epilna u·iatchina Deputy Commissioner (Supply) ge·etangaha.
