Chief Minister Conrad Sangma, da·al salo Ganol chibisikni jolo donggipa Nokmarang baksa Sakal Adumao tom·e agangolpogrikaniko dakangaha. Ia somoio Nokmarang dingtang mancha chibisikko tangkame rakkiani dingtang dingtang cholrangko Chief Minister na janape chanchirimangaha.
Songdongenggipa manderang aro sorkari baksa bakrime songsalna janggi tangani cholrangko aro tangka man·gnigipa kamrangni bidingoba uamang chanchirimangaha. Bakko ra·anggipa Nokmarang, A·chik a·songna on·gimin gamjinrangko ripingangna aro chelchakna bakrime kam ka·angkuna ka·donganiko on·angaha.
Tom·anio aganengon, Chief Minister Conrad Sangma dakchakaniko aro bakrimaniko on·e dingtang dingtang neng·nikanirangko nirokatna parakangaha. Unbaksana, chiring chibisikrangko tangchapilatna aro Nokrek Biosphere Reserve ni chibisikrangko ripingani cholrangna dakchakangna Sangma ku·chakangaha.
