Da·al salni Tura Football League-o susaanio Dadenggre FC ko Chipakore FC goal 3-0 chi amataha.
Ia kal·anio Chipakore FC dolrang skanggipa half-o minute 20 ni somoio Vincent Nirik M Sangma goal 1 ko chipangaha aro gnigipa half-o minute 86-o Dravid Rabha goal 1 ko chipna man·aha. Gittamgipa goal-ko Balthu M Marak minute 88 ong·ao chipangskaaha.
Chipakore FC kal·a gimiko Dadenggre FC na goal 1 mangmangkoba chipna cholko on·jaha aro uamang kal·a gimiko goal chipna jotton ka·beoba man·jaha. Da·alni kal·a gimiko Chipakore FC bon·kamaona kingking bil·ake kal·anichi susaanio chegipa ong·angaha.
