May 11 tarik Sonibar salo Phulbari Bazar committee aro NGO dolrang songni nokni manderang baksa ku·mong nangrimaniko dake pring 7 oni 9 bajiona Phulbari antidamko skanggipa changna rongtalatangaha. Ia rongtalataniko Phulbari Forest Office, dingtang dingtang bakrimgimin NGO dolrang, toromko dilgiparang, ma·gipa dolrang, chadamberang aro songni nokni manderang melie ka·angaha.
Ia kamko chu·sokatna man·ahanina GSU Phulbari ni Secretary, Pangsrang Sangma, manderangni chakchikgija bakko ra·anina demittelangaha. Ia rongtalatani kamrangko ka·na gisiko nangchina ku·monganiko on·angan baksana mikkangchiba ku·cholsan bakko ra.angtaichina Sangma sakantikon mol·molangjolaha.
Phulbari Forest Officer, Shri Moonlight bakko ra·giparangna aganengon rongtal an·talaniara bazar antidamrangnasan ong·aigija wilwilao donggipa bola wa·arangnaba namen gamchata ine talatangaha. Indakgipa kamrangko ku·cholsan ong·e ka·aniara saksa sakgipanaba didianiko on·a ine ua agandapangaha.
