Aiao on∙a on∙a inoba,
Ma∙koan sokja!
Raka raka inoba
Rong∙brakgita ong∙ja;
Apan’ on∙a.
Namja namja inoba,
Papi jatkon sokja;
Duka chaka inoba,
Kristonan batja;
Babran’ on∙a.
Kopinga bu∙susa,
Ku∙sika ku∙grisa-
Mes sontolsa;
Chaknapama?
Dimun’ Mandena.
Dimdak a∙ni prem
Mitdap chini jimjem;
A∙kim sotama?
Galgrimtokama?
Misilgipa kamrangna.
Salgin’ Singhasonko,
Watmate angna;
Cha∙nap ringnapgija
Chanchia nolnapna-
Mangsa brangana.
Dekon’ on∙jokai,
Re∙branggipa mesna;
Angde chanjokai,
Ka∙sae Barabbasna:
Bawange jakrangko.
Darangba a∙kangjahama?
Un’ kosako chakatjahama?
Maina bobatoka?
Jakko goringrengja?
Babran’ on∙a.
Andalao donge,
Satmitdapao guri;
Mikan’ griaha-
Kakket kataiaha,
Apan’ On∙a.
Songdoon teng∙ako,
Jasengjok pilako;
Wangaijok da∙alo
Wal∙nokma ku∙tango-
Gisikni cheao.
Skoko rim∙jok,
Da∙osa u∙ijok,
Pilakchin gipjok,
Gisikan diljok,
Jajrengan batjok.
Man∙aha salbakna,
A·damko dena;
Sildeng pata
Rong∙daprangba,
Amjaha salrikna;
Nangrimatjok a∙songtangna.
