2023 bilsini December 30 tariko mingsingbegipa Jamaican-American git ring·rakgipa Sean Kingston, Tura Ballongre, Serenity Grove o git ring·mesokanggen ine programko jako ra·e ong·atenggiparang koborna parakataha. Ia live concert ba programko Artsourced, City Flora aro RockskiEMG dolrang bakrime ong·atangenga.
Sean Kingston git ring·giparangoni saksa bilongen mingsingbegipa ong·an baksana bang·a knatobegipa gitrangko ring·angaha. “Beautiful Girls” aro “Fire Burning,” Kingston ni mingsingbegipa gitrangoni minggni ong·a. Ia ong·nasienggipa concert-o fusion of reggae, pop, aro R&B gitrangko sokbae bakko ra·giparang knanagita man·anggen.
Concert-na ticket rangko online [Rockski Tickets](https://www.rockskitickets.com/) oniko December 22 oni brenagita man·anggen. Una agreba ticket rangko Sora Complex do·gachol mikkango da·al saloni palangenga aro gisiko nangiparang ua biaponiko ticket rangko brenagita man·gen ine Artsourced koborna parakatangaha.
