South Garo Hills a·jani India aro Bangladesh sima ari jolo, 200 Bn BSF sipairang aro Meghalaya Police dolrang bakrime am·sandianiko dake badingsrukangna donenggipa 42,300 Kg mang chinirangko nok te·saoniko man·aha jean lakh 16 damni ong·a ine parakataha. South Garo Hills sima ari jolrango chini badingsrukani batroroenganiko nikna man·enga jeon parakatanigitade salsaon hajal ni hajal chinirangko Indo-Bangla sima ari jolgita salangenga ine u·ina man·aha.
Minggipin am·sandianio 193 Bn ni BSF sipai Seema Praharis, Bangladesh-ona badingsrukangenggipa saree ba·rarangko man·aha. Ia ba·rarangni dam chu·gimik lakh 3 mangni ong·a ine u·iatangaha. Nambate sing·sandianirangko daknagita rim·a man·gimin chini aro saree rangko Rongara pulis thanaona ra·ange donaha ine koborna parakataha.
