Da·ororo pilak biaprangon ding·anirang batroroenganina, skul ka·ani somoirangko dingtangatchina West Garo Hills-ni Deputy Commissioner Jagdish Chelani u·iatangaha.
Somoiko dingtangatna ge·etanigitade, Upper Primary School, Secondary School aro Higher Secondary School-rangko pringni 6:30 bajioni 10:30 bajionasan skulko ka·chinagita skulko dilenggiparangni tik ka·agita somoiko donangaha. Apsan daken Nursery School aro Lower Primary School-rangkoba pringni 10:30 bajio dontongatan baksana April 30 aro May 1, 2024 tariko skulrangko kulijachinagitaba u·iatangaha. Unbaksana WGH ni gimik skulrangkon 11 bajioni 3 bajiona class rangko ra·srangjachinagitaba ge·etangaha.
Una agreba May 1 tarikona kingking pilak skulrango pringo assembly dakaniko, a·palo dingtang dingtang ka·latanirangko ba mamingko dakatsrangjachina ge·etangaha aro attamo ba walo ka·gipa skulrangko ka·rongbewal somoion ka·chinagita u·iatangaha.
