Wedoe VDVK ni jaktangchi tarigipa achar rangko NGH ni bajar antio palna a∙bachengata

Meghalaya a∙doko Resubelpara C&RD Block ni ning∙o ga∙akgipa gitchambatsranggiparangoni ge∙sa Van Dhan Vikas Kendras (VDVK) ni dakchakako man∙enggipa Wedoe dolrang uamangni tarigipa achar rangko NGH a∙jao niksenggipa bajar antio palaniko dakna a∙bachengataha.

Wedoe VDVK ni miksonge kam ka∙anira game ge∙e cha∙enggiparangna dingtang dingtang nambata cholrangko ra∙bae on∙a, tangka paisa man∙aniko bariatna aro pale sim∙e cha∙ani bewalko namdapatanian ong∙a.