MarakRe·baenggipa LS Election 2024 o A·chik a·songni manderang sako seoknasienga ine Independent candidate Labenn Ch. Marak sing·doaniko dakangaha. Ua A·chik a·songko chel·chakana, ripingana, naljokatna, mikkangchina niksamsoani gnang re·mikkangna aro Winter Capital, Garoland Territorial Council (GTC), Reservation Policy based on Backlog basis, Garoland State na kam ka·na nisanko done narikgel Pangbrini Noksao pu·onchinagita manderangko didiangaha.
National Party rang jekai NPP, TMC aro INC jegitaba jatna ka·sabo, A·chik jatna kam ka·na man·chongmotjawa maina uamango bringimin jat aro torom gnang jeon an·tangtangni man·gninasa kamko ka·na man·aia ine Marak aganangaha. Batanggimin sal somoirango sak 3 candidate chong·motan Zenith Sangma, Saleng Sangma aro Agatha Sangma-ko A·chik a·songni Manderang seoke watataha indiba changsamaiba A·chik a·songna ku·rang on·jaha aro uamangni constituency rangchi re·ange nion maiko dakaha an·ching niknagita man·enga ine Marak janapangaha.
Toromnigita politiksko niatgenchimode, ia gital politiks ong·ja maina India jakgitel ong·na skangan ia politiksode dakbaenga. A·chik jatna namgnirangko ku·rachakani pal torom aro ma·malkosan pu·onani somoiosan janapaiode mainasa ia sak 3 dilgiparangara toromni bidingo Assembly-o aganja ine Marak matnangataha. Je partyba sorkari rikgenchimoba, Independent candidate-sa bakrime kamko ka·na man·a aro ia pilakkon niate jatni neng·nikanirangko ra·e chakatenggipana ku·cholsan ku·monganiko on·chinagita Marak manderangko mol·molangaha.
