Tura District Football Association (DFA), dingtangmancha West Garo Hills a∙jao songdongenggiparangna May 1 oni 4 tarikona Tura songjinmao All India Football Federation (AIFF) (Cat-5) referee training programko ong∙atna miksongangenga. Ia ong∙atnasienggipa referee training programo bakko ra∙na gisiko nanggiparangna, football kal∙susaani aro kal·anio jakkalgipa niamrangni bidingo u∙ie ma·sie ra∙nagita ian nambegipa chol ong∙enga.
Referee training programo bakko ra∙nagita komibeoba class 10 pass kana nanggen aro bakko ra∙nagita tangka gong 2000 ko game bimungrangko segatnagita man·gen ine u·iatangaha. Unbaksana bakko ra∙nasienggiparang an∙tangtangni Election ID, Aadhar Card aro Birth Certificate koba on∙chapna nanggen ine DFA u∙iatangaha.
