Meghalaya Indigenous Minority Tribes Forum (MIMTF) dolni dilgiparang, Chief Minister-ko gronge lekka-rangko on∙e a∙doko songdongenggipa gipin Scheduled Tribe jatrang jekai Rabha, Boro, Hajong, Koch aro Mann, uamangna chamgimin 5% reservation-ko da∙o 15% ona bariatchina gita dabiani bidingo reservation-ni all-party committee aro expert committee-rang ni∙aniko dakanggen ine Conrad Sangma parakataha.
Skotong Minister ni aganani gitade ua lekkarangko all-party committee ona watataha aro uamangni gita kamrangko matchotani ja∙mano uko expert committee niangskagen ine parakataha.
