West Garo Hills ni Wadagokgre-o dal·dalgipa kolrangko jakkale, niamgri a∙arangko cho∙anina ba kongrurue nosto ka∙enganiko champengnagita Tura ni District Magistrate Section 144 Cr PC ko ra∙gatangaha. Ia biapko “Valley of Echoes” ba rong·kuchak ine mingsinggipa ong·a jeon ma·gitcham pagitchamrangni dakbewal rikbewalrangni nisan, gamjing, chiring chibisik aro bol wa∙arang gnang.
Ia biapona Department of Arts and Culture aro West Garo Hills Tura-ni Deputy Commissioner office-o maming sing·chengagri napnagita man·jawa ine champengataniko dakangaha. Je mandean manigija niam pe·aniko dakgenchim ong·ode dongimin niamo pangchake Department of Arts and Culture nigita am·sandianiko dake raka sinjetani ba sastirangko on·agitaba tik ka·angaha.
Batanggimin somoirango ia biapo dal·dalgipa kolrangko jakkale a∙arangko cho∙anina ba kongrurue nosto ka∙anina A∙chik Conscious Holistically Integrated Krima (ACHIK) dolrangba sorkari aro District Administration-na nirokatchinagita chitti sedoaniko dakangaha.
