Garo Hills ni kona noksikrangona wene, NPP ni Agatha Sangma na manderangni chakpaaniko man·agita, Meghalaya ni Chief Minister aro NPP ni National President Conrad Sangma partyni gipin dilgiparang baksa tom·aniko dakangenga. Uni South Garo Hills a·jani Gasuapara, Chokpot aro West Garo Hills a·jani Dalu jolrango tom·aniko dakon pilak NPP aro BJP dolna chakgipa manderangko Agatha Sangma na pu·one cheatchinagita mol·molangaha.
Tom·anio manderangna aganprakaniko dakon, da·o re·baenggipa election-o, NPP gipin election rangko niate nigenchimode ia chango changgni mangna bate vote rangko man·e cheanggen ine Sangma ka·dongani kattarangko jinmana aganangaha. Unbaksana ma·mongo BJP rikna ka·dongsoenganina NDA o bakrimgipa political dolrangko seokachisa a·doko bang·a namdapatani aro dingtangatani kamrangko ra·bana cholko man·anggen ineba Sangma agandapangaha.
