Tura Don Bosce College ni Mathematics aro Chemistry department o poraienggipa sak 10 chatro chatrirang 2024 Joint Admission Test for Masters (JAM) porikkao name chu·sokangaha. JAM porikkako, Master of Science (M.Sc) aro gipin graduate science program rangko mingsinggipa aro namgipa poraichakram jekai Indian Institutes of Technology (IIT), Indian Institute of Science (IISc), Indian Institutes of Information Technology (IIIT) aro National Institutes of Technology (NIT) rango admission ko man·agita bilsi antion ong·atenga.
JAM porikkao Mathematic department ni chu·sokgipa chatro chatrirangara Chebitchi D. Sangma, Tanave Chikara D. Sangma , Deano Os Agaphe M. Sangma , Ahab M. Marak , Ninna Nisitha R. Marak, Walrush N. Marak , Jadura Tangba Ch Marak, Kalwith D Sangma aro Chemistry department ni Chimik Chisa B. Marak, Bismoya Ponna Hajong ong·a.
Ia porikkao chu·sokanichi chatro chatrirang an·tangtangni bimchipaniko, aro rake jotton ka·aniko mesokaha. Ia chu·sokanichi uamang a·doknasan mikkimko rasongko ra·baiagija, uamangni college naba rasong chaaniko ra·baaha.
