March 6 tariko parakatgipa pulisni kamrangna dosgastoko online gita galataniko ra·chakani tarikko Meghalaya Police ra·doataha. Online Application Portal-o adita technical-nigita neng·nikanirangko man·ani ja·mano, pulisni kamrangna dorgasto galaniko April 8 tarikoni May 31 tarikona ra·chakanggen ine parakataha.
Ia chango pulisni kamrangna Meghalaya a·dokni itihaso bang·bate kamna nakatenggipa ong·a jeon hajal 3 na batpile kamrangko chadamberangna ra·bae on·enga. Ia kamrangna nakatgipao online gita galatna ra·doataniko Inspector General of Police, F. G. Kharshiing, IPS, jinmana chittio u·iatangaha.
