Re·baenggipa Lok Sabha election-na tarisamsoagita sima ari jolo ja·rikna nangchongmotgipa kamrangni bidingo mijal salo Meghalaya Chief Secretary, IAS, D. P. Wahlang Main Secretariat Conference Hall, Shillong-o tom∙e chanchirimaniko dakdilangaha.
Ia tom·anio Additional Chief Secretary Home (Police) Department IAS, Dr. Shakil P. Ahammed, Director General of Police, IPS, Dr. Lajja Ram Bishnoi, Commissioner and Secretary ERTS Department, IAS, Sanjay Goyal, Chief Electoral Officer, IAS Dr. B. D. R. Tiwari aro Election Department ni officialrang, Secretary, Home (Police) Department, Inspector General Frontier Headquarter, BSF, State Police Nodal Officer, IPS M. K. Singh dongpae bakko ra·angaha.
Ia tom∙anio Chief Secretary D. P. Wahlang re·baenggipa Lok Sabha election-ni nangchongmotgipa kamrangni gimin u·iatangaha. Apsan daken a·dokni aro sima ari jolrango ong∙enggipa obostarangni bidingo talate on∙angan baksana sima ari jolrango re∙baenggipa LS election-o tom∙tomaniko rakkinagita, Assam pulis baksa apsan bakrime kamrangko ka∙enga ineba DGP LR Bishnoi aganangaha. Election Commission of India Assam a∙dok baksa April 3 tariko chanchirimaniko dakna tik ka·angaha ine DGP aganangaha.
A∙dokni sima ari jolrango re·ruraanio nirok simsakaniko dakna, entry aro exit point-rango nirokaniko dakna aro pilak a∙sel obosta ong∙aoni naljoke rakkina man·agita nanggnigipa kamrangni bidingo ia tom∙anio chanchirimaniko dakangaha.
