Lok Sabha election-na campaign ka∙anio Congress aro TMC dolrang, NPP ni Citizenship Amendment Act (CAA) ko Parliament-o re∙anggipa 2019 bilsio ra∙chakaniara jatko cha∙bokani ong·a ine matnanganirangna Agatha Sangma aganchakataha. Opposition dolrangni indake CAA ko agane matnanganiara maming ja∙pang ba pangchakani dongja maina Meghalaya a∙dokko aro North-East ni a∙dokrang jean Sixth Schedule ni ning∙o ong∙giparangko ma∙mong sorkari CAA oniko changalaha ine Sangma aganangaha.
CAA ge∙sa bill ong∙miting somoio Conrad Sangma ni MP ong∙e re∙dilmitingo ua ma∙mong sorkari baksa golpogrike Meghalaya a∙dokko CAA ni ning∙o napatjachinagita adita kamrangko ka∙angaha. Unbaksana North-East ni a∙dokrangko ia Act-o napatgenchimode NPP nigita vote ko on∙angjawachim ineba Agatha aganangaha.
Ma∙mong sorkari baksa chanchirimani ja∙mano CAA ko jensalo 2019 bilsio ra∙gatahaon Meghalaya a∙dokko changalani giminsa NPP nigita ia Act na vote ko on∙angaha ine Sangma talatangaha. Meghalaya a∙dokko CAA oni changalpilani ja∙manoba opposition dolrangni matnange agananiara ia election-na manderangko jajaatna agananisan ong∙aia ine ua agandapangaha.
