Re·baenggipa Lok Sabha election-o Tura ni biapna Independent ong·e susanasienggipa Laben Marak da·al salo WGH a·jani DC Jagdish Chelani-ni mikkango nomination file ka·angaha. Kobor ra·timgiparangni mai miksonganirango pangchake susanasienga ine sing·aniko dakon, dingtang dingtang nanganirang jekai winter capital, reservation policy, Garo Territorial Council aro Garo Land na mikkango done kamrangko ka·nagita susaangenga ine Marak aganangaha.
A·dok sorkariko re·dilanio aro MP ko seokanioba apsan party ba nokdangonin ong·enchimode bang·a kamrangan tang·dona man·ja, uni gimin ia chango dingtang dilgipako seokna nangao ga·akenga ineba Marak aganangaha.
