Da∙alo Lok Sabha election-na nomination file ka∙ani somoio kobor ra∙timgiparangni BJP dolrang NPP na chakanichi aro TMC ni dingtangmancha Zenith Sangma ko susana seokanichi vote rang pipraanio Congress dolna neng∙nikaniko ra∙baama ra∙bajawa ine sing·anina, Saleng Sangma adita aganchakanirangko dakangaha. Uni agananigitade re∙anggipa Assembly Session matchotani ja∙mano, Dr. Mukul dingtangmancha uko BJP baksa bakrime kam ka∙na ku∙mongdilangaha ine u∙iatangaha.
Iako aganengon, TMC dolrang election-o susanagita candidateko seokgenchimoba BJP baksa bakrime kam ka∙na miksongani dongmanahani gimin da∙alo TMC nigita kam ka∙na re∙mikkanganiara manderang baksa politics kal∙anisan ong∙aia ine Saleng Sangma matnangataha. Bon∙kame ua uni susaanio aro cheani bidingo sing∙anina, ia pilakan dilgipako seokanio manderangosa pangchakaia ineba Sangma agandapangaha.
