2024 Lok Sabha election na tarisamsoagita, Election Expenditure Officer Vinod Kumar Ahirwar, IRS (C&CE) da·al salo Tura Circuit House o tom·e chanchidilangaha. Ia tom·e chanchirimanio, Model Code of Conduct ni niamrangko ja·rike pu·onaniko name chu·sokatna man·agita miksonge ong·atangaha.
A·jao kragipa bewalo aro kakketo pu·onaniko ong·atna man·agita, gari gorarangoniko chu ba dingtang dingtang bosturangko name nirok simsakaniko dakchinagita officialrangko ge·etangaha. Una agreba susanasienggiparangni campaign ka·anirango jakkalenggipa korosrangkoba name dake nirikie see rakkie nangan somoio sokatchinaba didiangaha.
