Nasha Mukt Bharat Pakhwada ni ning∙o Drug Awareness program ba pekgipa bosturangko jakkalani bidingo manderangna mikrakataniko on∙anio, Meghalaya pulis rang dam 1263 biapo programme rangko ong∙ate national record ko ra∙baaha.
A∙doko manderangni pekgipa bosturangko ong∙gija jakkalani gimin mikrakataniko on∙anina a∙dokni Chief Minister Conrad Sangma, Meghalaya pulisrang na mittelpilskaani kattarangko aganangskaaha. Ia awareness program rangko Meghalaya ni Director General of Police Dr. L R Bishnoi dakdilangaha.
International Day Against Drug Abuse and Illicit Trafficking ko maniani salo ia pekgipa bosturangko badingani aro jakkalaniko naljokatna rakbee kamko ka∙giparangko Union Home Minister Amit Shah ba mittelpilaniko on∙angaha.
