Re·baenggipa Lok Sabha election 2024 na tarisamsoanio pilak songdongenggipa manderangna North Garo Hills ni District Election Officer , Election Commission of India nigita 24×7 somoirangna call centre rangko North Garo Hills, Resubelpara-ni Deputy Commissioner-ni office o control room rangko donaniko parakataha.
Ia call centre rangko donaniara je manderangba election ni bidingo maiba u·iatna nanganirang donggenchimode bakan je somoioba on·gimin number Toll Free-18003453757, Mobile phone-9707174320 aro (BSNL sim oni) 1950 ona call ka·ate koborrangko on·atnagita man·gen ine District Election Officer u·iatangaha.
