Re·baenggipa Lok Sabha 2024 pu·onaniko April 19 tariko ong·atna parakataonin Model Code of Conduct (MCC) ko ra·gataha aro Section 144 Cr PC niamni ning·o pangchake sorkarini nok ba building pakmarango mamingkon sejachina, poster ba noksarangko tapjachina, banner, flag aro gipin bosturangko songjachina ba kajachinagita WGH District Magistrate ge·etangaha. Manderangni nok buildingrango ba gari gorarango, nokgipao sing·chenggija flag rang, banner rang aro sticker rangko kajachina ba tapjachinagitaba beng·aniko dakangaha.
Gari nokgipa an·tangan flag, sticker ba gipin bosturangko tapgenchim ong·ode ramarango gipinrangko hala ba neng·nikanirangko on·jachinaba u·iatangaha. Flag ba sticker rangko tape gipin manderangko drae pu·onchina miksonge kamrangko ka·genchimode, IPC ni Section 171 H niamo pangchake kraa sastiko man·gen. Unbaksana election na campaign ka·anio para garirangko jakkale flag ba sticker rangko tapnagita, District Election Officer ba Returning Officer rangna u·iate uamangni hukum on·mangimin lekka rangko garini mikkango tapna nanganikoba u·iatangaha.
