Arunachal Pradesh a·doko re·baenggipa Assembly election-o dingtang dingtang constituency rango NPP party oni sak 34 susaanggen ine parakataha. Ia election na tarisamsonagita NPP dolni National Secretary James Sangma, susanasienggiparang aro gipin dilgiparang baksa Guwahati songjinmao tom·e chanchiangaha.
Ia chango NPP dol baksa bang·a dilgiparang bakrime susana skaniko mesokangaha jeon gitcham Minister Kei Hari Natung, Tani Loffa aro sak 32 gipinrang NPP doloni susaanggen ine parakataha. Da·o uamang tom·e chanchimitingsa ong·ani gimin susanagiparangni bimingrangkode ru·utgija somoini gisepon parakatgen ine party ni dilgipa James Sangma aganangaha.
