Swachh Bharat Mission-Grameen ni bakgita Plastic Waste Management treatment plant ko Williamnagar Chiminmingri songo PHE Minister Marcuise Marak oprake on·angaha. Ia oprake on·ani somoio East Garo Hills ni Deputy Commissioner Vibhor Aggarwal, SP aro Samanda block ni BDO dongpae bakko ra·angaha.
Ia projectko name chu·sokatna man·anina kusi ong·aniko parakangan baksana batanggimin 2023 September 16 tariko ia biapona re·ange nirokeaniko dakmitingo, bijoli aro china neng·nikanirangko chagrongna nanganiko PHE Minister Marcuise Marak janape aganangaha. Indakgipa neng·nikanirangko chagronggenchimoba, da·o bijoli aro china neng·nikanirang dongjaha aro namen chalaina man·anggenok ineba Marak aganangaha.
Unbaksana ia projectko matchotatna rakbee aro jotton ka·e kamrangko chu·sokatanina, a·jani DC, BDO aro Swachh Bharat dolrangkoba Marak mittelpilangaha.
