Mijal salni bako Meghalaya pulisni DGP L. R. Bishnoi, re·baenggipa Lok Sabha election-ni ja·mano pulisni kamrangna rimnapaniko a·bachengatgen jean a·dokni itihaso da·o dipet dal·batsranggipa pulisni kamna rimnapaniba ong·enga ine aganangaha. Ia kamna dorgastoko galgiparangko April ni 1 tarikoni ra·chakanggen ineba ua aganangaha.
Kamrangna rimnapanio maming dakeba kal·akna man·gija kakketgipa niamrangko jakkale dakanggen ine DGP agandapangaha. Kamrang chu·gimik ge 3100 rang ong·a jeon Unarmed Branch Sub Inspector na 76, Unarmed Branch constable na 1255 aro Armed Branch na ge 1637 ong·a ine ua parakangaha.
