South West Garo Hills Ampati-ni BADO Multi Facility Centre o PM Vishwakarma Awareness Program ko MSME-DFO Tura branch baksa ma·mong sorkarini Ministry of MSME bakrime programko ong·atangaha. SWGH ni DC office, Madhukar Livelihood Foundation New Delhi, SWGH ni DCIC aro bako ong·gipa manderangni ia programo bako ra·anganiko nikna man·angaha.
Ia programo a·jani Deputy Commissioner R P Marak, PM Vishwakarma scheme ko SWGH Administration ni chu·sokatna dakchakanina aro PM Vishwakarma scheme rangni bidingo adita nambegipa agantalatanirangkoba dakangaha. MSME-DFO Tura Branch ni Assistant Director Nilesh Trivedi PM Vishwakarma schemeko man·a dakna nanggnigipa niamrangni bidingo aganangskaaha.
Una agreba Ampati, DCIC ni General Manager Frieda Marak rimchaksoani kattarangko aganangaha. Vishwakarma schemeko tang·doatna, banknigita dingtang dingtang cholrangchi dakchakaniko on·ani bidingo SWGH ni LDM aganangaha aro DCIC ni Functional Manager Arthivan DCIC nigita dakchakanirangni bidingo aganangskaaha.
Ia programme o PM Vishwakarma scheme rangko man·a dakna nanggnirangni bidingo CSC nigita agantalate on·angaha aro Madhukar Livelihood Foundation, New Delhi ni Naireeta agan mittelpilani kattarangko aganangan baksana sakanti bako ong·giparangni ia PM Vishwakarma schemeko chu·sokatna jotton ka·e kamrangko ka·ani giminba aganangaha. Ia programona sak 240 na batpile Ampati o songdongenggipa manderang gisiko nangbee PM Vishwakarma scheme nigita namgnirangko man·ani bidingo nambate u·ie ma·sie ra·nagita bakko ra·angtokaha.
