A·doko songdongenggipa manderangni neng∙nikanirangko u·iatna man·agita CM CONNECT ko da∙al salni bako Chief Minister Conrad Sangma a∙bachengataniko dakangaha. CM CONNECT ni 1971 Helpline number ona ka∙ate dingtang dingtang nanganirang ba neng∙nikanirangko a∙dok sorkariona sokatnagita tariangaha.
Iako ra∙gatanichi songdongenggipa manderangna sorkari baksa sepangbate rimbaani dingtang ja∙ku de∙ani ong·a jedakode sorkarini kolrangko jakkalanio ka∙na nanggipa kamrangko name dake ka∙na man·agita aro nanggipa kamrangko altue sokatna man·agita miksonge oprake ong·angaha ine CM parakataha.
