Da·al salo Matchakolgre L.P School o, me·asa aro me·chik dolrangni Volleyball ko skanggipa kal·atangchengaha. Ia skanggipa salo me·chik dolrangni kal·anio East Khasi Hills dolrang, West Khasi Hills dolrangko amataha aro South West Garo Hills dolrang, East Garo Hills dolrangko amatskaaha.
Me·asa dolrangni kal·anio South West Khasi Hills a·jani kal·gipa dolrang West Khasi Hills a·jani kal·gipa dolrangko amataha. North Garo Hills a·jani kal·gipa dolrang East Garo Hills dolrangko amataha, West Garo Hills a·jani kal·gipa dolrang South Garo Hills a·jani kal·gipa dolrangko amatskaaha, South West Garo Hills a·jani kal·gipa dolrang East Jaintia Hills dolrangko amataha, West Khasi Hills a·jani kal·gipa dolrang West Jaintia Hills dolrangko a·mataha aro North Garo Hills a·jani kal·gipa dolrang East Khasi Hills dolrangko amatskaaha.
Indake da·al salni bako bon·kame West Garo Hills aro South West Khasi Hills me·asa dolrangni kal·taianio West Garo Hills dolrang chegipa ong·taiaha. Ia Volleyball kal·anio Garo Hills a·jarangoni me·asa dolni kal·giparang bang·bate cheangnagita man·angaha.
