5 gipa Meghalaya Games o Wrestling susaani bon·kamgipa kal·aniko da·al salni bako St. Mary’s Higher Secondary School, Tura o matchotaha. Ia susaanio bang·a a·jarangoni bakko ra·ange saksa sakgipin baksa susagrikangtokaha jeon Garo Hills ni sak 6 chadamberang chegipa ong·angaha.
Kg 79 ni ning·o ong·gipa me·asarangni kal·anio East Garo Hills ni Tenjrang Ch. Momin Gold medalko man·aha. Silver medalko East Garo Hills ni Krono M. Sangma, skanggipa Bronze medalko Ribhoi ni Labianglang Thawbri aro gnigipa Bronze medalko West Garo Hills ni Baldano R. Marak man·angskaaha.
Kg 86 ni ning·o ong·gipa me·asarangni kal·anio West Garo Hills ni Balrang Raka Ch. Momin Gold medalko man·aha. Apsan daken Silver medalkoba West Garo Hills ni Dimsrang Salgrik Ch. Marak man·angskaaha.
Kg 59 ni ning·o ong·gipa me·asarangni kal·anio West Jaintia Hills ni Ebiangmi Langstang Gold medalko man·aha. Silver medalko Eastern West Hills ni Khrawjutang Kharsyntiew, skanggipa Bronze medalko West Garo Hills ni Kamkambata Ch. Momin aro gnigipa Bronze medalko East Khasi Hills ni Donbok Nongrum man·angskaaha.
Una agreba dingtang dingtang kg ni bakrango kal∙anio Khasi Hills, Ribhoi aro Jaintia Hills ni susagiparang medalrangko chegopangaha.
